تحسبهم أغنياء من التعفف 🌹

تحسبهم أغنياء من التعفف 🌹 لقيت ست جميلة قوي قاعدة ع الأرض و كنا العصر كدة ...حاطة قدامها قفص و عليه فرختين ...أيوة فرختين 2 بالعدد و كانوا كبار شوية و انا مش بحب الفراخ الكبيرة فقولت لها عاوزة فراخ أصغر شوية من فضلك .... قالتلي مفيش غير دول قولت لها خسارة يمكن لو كنت جيت بدري شوية كنت لقيت حاجة تاني ... راحت مدارية وشها و معيطة .... ليه يا قلبي بتعيطي و الله ما أقصد حاجة وحشة .... قالت لي اصل لو كنتي جيتي الصبح بدري كنتي برضه هتلاقي الفرختين دول هما هما لتكملة القصة اضغط على متابعة القراءة 👇 أنا قاعدة كدة من بعد الفجر و انا مش بياعة فراخ ....دول فرختين مربياهم بقالي 5 شهور علشان اوكلهم للعيال و لما راحوا المدرسة بهدومهم و شنطهم القديمة قالوا لهم في المدرسة إنكم مش هتستلموا الكتب الا لما تدفعوا المصاريف فصحيتهم الفجر و سألتهم : تستلموا الكتب و لا تاكلوا فراخ؟ قالولي الكتب فطلعت ع السطح جبت الفرختين و استأذنت صاحب المحل دة اقعد قدامه ابيع الفرختين و اروح لتكملة القصة اضغط على متابعة القراءة 👇 و كل اللي يعدي يخسف بيهم الأرض و خايفة يموتوا من الحر .... و لا العيال تأكل و لا تتعلم. ... قولت لها عاوزة فيهم كام؟ قالتلي الواحدة ب75 و الله دول تربية بيتي و بلدي و الواحدة ترمي يجي 2 كيلو لحم. .... بس بالله عليكي ما تفاصلي فيهم قولت لها طيب انا مش بعرف ادبح ممكن تدبحيهم و تنضفيهم و اديتها 200ج و هجيلك بعد شوية بس هجيب حاجة و اجيلك .... فرحت جدا و قالتلي حاضر هدبحهم عند الفرارجي اللي ع الناصية و استناكي بس متتأخريش عليا لتكملة القصة اضغط على متابعة القراءة 👇 طلعت جري ع التوحيد والنور اخدتلها شنطتين و شوية أدوات دراسية و اخدت فلوس زيادة و نزلت جري برضة اشتريت شوية خضار و سمنة و زيت و رز و رجعت لها لقيتها ماسكة كيس فيه الفراخ و فرحانة قوي اديتها الحاجة و قولتلها روحي اطبخي الفرختين للعيال قالت دول بتوعك قولتلها ما انا قولتلك من الأول مش بحب الفراخ الكبيرة عيطت و خدتني في حضنها.... في خرجة صاحب المحل اللي مراقب الموقف كله من أوله. .... قالها مش قولتلك ربك كريم مشيت و هي في منتهي السعادة خصوصا لما اديتها رقمي وقفت شوية ابصلها و هي بتبعد .... صاحب المحل لتكملة القصة اضغط على متابعة القراءة 👇 بصلي و قالي عرضت عليها الصبح فلوس .... رفضت سيبتها تقعد و كل شوية أطل عليها و الله كان في نيتي اديها تمنهم بس عفتها منعتني و لما شوفتك طولتي معاها. ..دخلت صليت و دعيت ان ربنا يرقق قلبك عليها و الحمد لله ..... يارب حنن قلوب الناس على بعض و لا تول علينا من لا يخافك و لا يرحمنا ❤❤