أكواز درة

يقول_احدهم وأنا في ثانوي تقريبًا، لقيت بابا مرّة داخل ينهج وعرقان وحالته حالة، فقمت منفوض وخدت بإيده لتكون أزمة سكر، لكني فوجئت بيه بيرفع إيده بشيء من الانتصار ويديني شنطة فيها أكواز درة! قعّدته وجبت له ميّه، وبدأت أسأله ماله، وقلبي بيدق بشكل عجيب! قالي لتكملة القصة اضغط على متابعة القراءة 👇 إنه وهو طالع من المدرسة اللي كان بيدرّس فيها -مدرسة الشهيد عودة الثانوية بشربين- شاف حد بيبيع دره، فنِفسه اشتهت -لسه فاكر التعبير بالحرف!- كوز درة، فركن العجلة بتاعته ونزل اشتري كوز وكَلَه. لحد كده تمام، فين المشكلة بقى؟ كمّل: بعد ما وصلت الشارع بتاعنا افتكرت فجأة إني ما جبتلكمش درة زيي، وإني لأول مرة آكل حاجة من غيركم، فزعلت قوي من تقصيري، وحسيت بالأنانية وإن ممكن شهوة عابرة تنسيني عيلتي! طبعًا كنت بتفرّج عليه وأنا مستغرب .. وعايز أقول له بلغة الشباب: ما تأفورش يا عم! لكنه كان في كَرب حقيقي .. -ما فهمتوش غير لما اتجوزت وخلفت وبقيت أعمل زيّه- وقال لي إنه ما كانش عايز الموقف يعدي بسهولة عشان يفضل فاكره، فعقابا لنفسه قرّر لتكملة القصة اضغط على متابعة القراءة 👇 يركن العجلة قدّام البيت، ويرجع تاني لبتاع الدرة عند مدرسته مشي، ويجيب لكل واحد كوزين مش كوز! طبعًا أنا كنت جبت أخري، وبحماقة المراهق وطيشه قلت له: وليه البهدلة غير المنطقية دي يعني إن شاء الله؟! كل ده عشان كوز درة؟ فهز راسه وقال لي وهو بيشرب بقّ المية الأخير في الإزازة اللي جبتها له: - لا، عشان الحب افتكرت الموقف ده فجأة امبارح، لما كنت بركب ميكروباص من المرج الجديدة، وقدامي أسرة مكوّنة من أب وابنين صغيرين وأم، والولاد قالوا لباباهم عايزين لتكملة القصة اضغط على متابعة القراءة 👇 نشرب، فالبرنس راح الكشك اللي جنبنا .. وجاب إزازة صغيرة وعلبة سجاير، وقبل ما يدي العيال الميّة فتحها وشرب نصها تقريبا، والواد رافع له إيده ومستنيه يخلص! وبعدين اداله الميّة وهو بيبرق وبيقول له: - اشرب بالراحة يا ابن الكلب ما تخلّصهاش، مش هجيب غيرها. وفي الوقت اللي العيال كانت بتشرب على القد ومرعوبة تخلّص بقايا الإزازة فعلا، كان البرنس بيولّع سيجارة وبيتكلم في التليفون ويقهقه! أمهم طبطبت عليهم وقالت لهم بصوت واطي: لتكملة القصة اضغط على متابعة القراءة 👇 - اشربوا براحتكم ما تخافوش. وطبعا ما مدّتش إيدها على الإزازة! فيه ناس ما تعرفش عن الخلفة غير إنها .. مسؤولية وقرف وبامبرز وصوت عالي ودوشة ومصاريف ملهاش لازمة، وناس شايفاها تمديد لطاقة الحب اللي في العالم وزيادة لرصيد المودة والرحمة. ناس خسارة فيها ... نعمة العيال ونعمة الونس ونعمة امتداد الذِكر في الدنيا، وناس بتحارب وتصرف سنين عشان ضفر عيل! سبحانك يا رب.