من كام سنة واحد صاحبي (مش لازم أكتب اسمه) “أدهم سلطان”، اقترح عليا نفتح قهوة كمشروع لينا

من كام سنة واحد صاحبي (مش لازم أكتب اسمه) “أدهم سلطان”، اقترح عليا نفتح قهوة كمشروع لينا. قولتله: “يابني، القهوة دي هتلم علينا الصيع والعواطلية، وإحنا ناس متعلمين مالناش في الخناقات”. قالي: “يابني، بالعكس! إحنا هنفتحها في مكان حلو وهنقول الفنانين بس اللي هيقعدوا عليها وهتبقى زي صالون ثقافي”.

المهم، أقنعني بالفكرة وفتحنا القهوة، وفضلنا أسبوع محدش دخل ولا عبرنا. اتصلنا على الريس سعدون اللي اشترينا منه الشيش وقولناله: “ياريس سعدون، القهوة مش شغالة!” قال: “انتوا بترشوا مية الصبح؟” قولتله: “لا”. قال: “رش مية يا أستاذ وليد، خلي ربنا يكرمكم.”