من سنتين طقت ف دماغي اني اشتغل معالج لحالات المس والسحر

من سنتين طقت ف دماغي اني اشتغل معالج لحالات المس والسحر ... ليا واحد صاحبي شيخ اسمه الشيخ عادل طلعت معاه كام جلسه اي نعم كنت بشوف حاجات تشيب الشعر بس حبيت الموضوع خصوصا اني حسيت انها مغامرات وانا بطبعي بحب اغامر المهم الكام جلسه دول اتعلمت منهم شوية حاجات وجمدوا قلبي حبتين وافتكرت اني كدا بئيت معالج وبالفعل اعلنت قدام بعض الناس اني بئيت بعالج لتكملة القصة اضغط على متابعة القراءة 👇 مافيش اسبوع و واحد صاحبي اتصل بيا ف نص الليل وقالي الحقني يامصطفي... قولتله خير ياسيد ف ايه ؟! قالي اخويا متحول علينا وعمال يكسر ف البيت ويطلع اصوات غريبه وبيشتمنا وبيهددنا انه هيموتنا ومش قادرين عليه .. مش انت قولت انك بتعالج ؟! تعالي الله لايسيئك الحقه والحقنى قبل ماتحصل حاجه قولتله انا هلبس وجاي اهو مسافة السكه طبعا انا كنت فرحان اني طالع لحاله لوحدي وف نفس الوقت خايف لانها اول مره بس اتغلبت ع خوفي وروحتلهم لتكملة القصة اضغط على متابعة القراءة 👇 اول مادخلت البيت لاقيت التلفزيون متكسر وحاجات كتير ف البيت متدغدغه وناس كتير قاعده ف صالة البيت وكلهم منتظرين البطل ال جاي ينقذهم الي هو انا والاوضه الي في وش الصاله بابها مقفول و رضا اخو السيد دا عمال يخبط ويرزع ع الباب ويقول كلام مش مفهوم وشويه يشتم ويهدد فعلا طبعا انا دخلت بكل ثقه وقولتلهم ماتقلقوش خير بإذن الله ... انا بس عايز حد يفهمني ف ايه وهو كان بيشتكي من حاجه قبل كدا او عمل حاجه غلط او رمي مياه سخنه ف الحمام او علي صوته ف الحمام او اي حاجه شبه كدا؟ لتكملة القصة اضغط على متابعة القراءة 👇 قالولي لا ابدا هو فجأة لقيناه بالشكل دا قولتلهم طيب ماتقلقوش اقل من نص ساعة وكل دا هينتهي ان شاء الله انا بس عايز اتنين او تلاته صحتهم حلوة يدخلوا معايا عشان يمسكوه كلهم بصوا لبعض وماحدش فيهم نطق ... الباشوات خافوا بصراحه عندهم حق ! رضا دا لو شوفتوه هيجيلكم صرع عامل زي درفة الباب وطالعله بني ادمين ف دراعاته كررتلهم نفس الكلام تاني ف برضو بصوا لبعض وسكتوا راح قايم السيد اخوه قالي تعالي انا هاجي معاك لتكملة القصة اضغط على متابعة القراءة 👇 قولت ف عقلي "انا هعمل زي الشيخ عادل (ال كنت بطلع معاه الجلسات) هرسم دايره وهفضل اقرأ ف آيات معينه هتخلي الحاله ماتقدرش تقرب مني ، وكدا كدا انا معالج اصلا والجن ال ع الحاله اول ماهيشوفني هيخاف مني وهيبعد مش هيقدر يقربلي" المهم روحت باصص للناس بصة استهزاء بهم 😏 وانه ايه يعني ولا يفرق معايا واني مستعد ادخل لوحدي خصوصا ان فيه ناس كتير ودا ف حد ذاته هيبئا احلي دعاية ليا بعد كدا لتكملة القصة اضغط على متابعة القراءة 👇 وروحت فاتح الباب وداخل وانا خطواتي كلها ثقه .. اول مادخلت ببص لاقيت رضا رافع لوح خشب ببص ورايا لاقيت سيد اخوه شاف المنظر راح جاري بره وقافل باب الاوضه عليا انا ورضا انا شوفت المنظر كان هيجيلي سكته قلبيه بس مسكت نفسي وشخط فيه وقولتله ارجع لأحرقك لاقيته برق ليا وعينه مليانه غضب روحت راسم الدايره بسرعة ولسه هقرأ لاقيته داخل عليا بلوح الخشب ف لحظه نسيت كل القرءان ال انا حافظه وفضلت اقوله ارجع لاحرقك ارجع لاحرقك .. رد قالي لتكملة القصة اضغط على متابعة القراءة 👇 تحرق مين يابن ال***********تييييييييت ونزل ضرب فيا لحد ماكسر لوح الخشب عليا فضلت اصرخ وازعق بأعلي صوتي واستغيث بال بره وارجع اقوله ارجع لاحرقك وان حد من ال بره يلحقني .. لكن لا حياة لمن تنادي ، وفضل يضرب فيا بايده ورجله وإني اقاومه ولا اشتمه حتي ! مفيش لحد مافقدت الوعي وفتحت عيني ف المستشفي لاقيت ايدي الاتنين و رجلي الشمال متجبسين وكدمات ف جسمي وعرفت هناك ان الناس دخلت لحقوني بس بعد ماتعدمت العافيه وان رضا دا اصلا طلع شارب مخدرات و واخد حبوب اسمها ابتريل بتخليها تغيب منه وتقلب ب شر ... لاء وقال وانا ال كنت برسمله دايره وبقوله ارجع لاحرقك 😢 لتكملة القصة اضغط على متابعة القراءة 👇 والحمد لله من بعد ماخفيت وانا الشارع بتاعهم دا لو معدي من عليه بلف من الناحيه التانيه عشان ماحدش يشوفني حتي الشيخ عادل نفسه قطعت علاقتي بيه وحلفت مانا مكررها تاني .. قال مغامرات قال