بعد فرحي بأسبوع اكتشفت أن مراتي على اتصال بالعالم اللي تحت الأرض

بعد فرحي بأسبوع اكتشفت أن مراتي على اتصال بالعالم اللي تحت الأرض، وكانت مخبية عني، وإلا مكنتش هتجوزها. أنا سبتها في الأوضة وخرجت أجيب كوباية مية. جبتها ورجعت، ولسه مدخلتش من باب الأوضة، سمعتها بتقول: "برايمر... كونسيلر... كونتور... هايلايتر". وياريتها على قد الأربعة دول، دا طلع فيه "برونزر"! كوباية المية وقعت من إيدي. لتكملة القصة اضغط على متابعة القراءة 👇 يا حزنك الأسود يا وليد، ودي الواحد يتعامل معاها إزاي؟ هو أنا ناقص؟ المهم، خبطت على الباب عشان لو هما موجودين يتصرفوا، ولا أشوفهم ولا يشوفوني. وبالفعل، دخلت ملقتش حاجة الحمد لله. قعدت على حرف السرير زي اللي خايف من أمه لتقول لأبوه إنه شرب سجاير. قريت كل القرآن اللي أنا حافظه وخلصته، ودخلت على التواشيح والأناشيد الإسلامية، ماهو العمر مش بعزقه يا جدعان. وبعد ما قربت من ربنا ونسيتها خالص، قالت لي: "يا وليد، أنا ليه لما قولتلك نروح إسكندرية أسبوع قولتلي مبتحبش البحر؟" لتكملة القصة اضغط على متابعة القراءة 👇 قولتلها: "إيه دا؟ لا، استني بقى عندك!" وبكل غضب وعصبية كأنها شتمتني بأمي، قلت: "مين قالك مش هنروح؟ أنا بحب البحر." بصتلي باستغراب. "أيوه بحبه، أنا مولود في العوامة. لا طبعًا نروح، أنا مسمحلكيش تجيبي سيرة البحر قدامي. أنا بحبه أكتر من عم زكريا البواب". طبعًا دا أي كلام في أي كلام. أنا بخاف أغرق وأنا في البانيو. بس إزاي أرفض لها طلب؟ أقسم بالله يا جماعة، قالت التعويذة كاملة، من أول البرايمر مرورًا بالكونسيلر وصولًا للهايلايتر. لتكملة القصة اضغط على متابعة القراءة 👇 المهم، أمي لاحظت إني بسمع كلامها عمال على بطال من قبل ما تتكلم. ولما ضيقت عليا في السؤال، حكيت لها. قالت: "لا يا بني متظلمش. يمكن دي حاجات بنات من بتاعة اليومين دول. قولي تاني كده، هي قالت إيه؟" "قالت برايمر وكونسيلر وهايلايتر وبرونزر." بصتلي بخوف كده وقالت لي: "هي قالت برونزر؟" "أيوه يا ما قالت." "لا، البت دي ملبوسة." "طيب يا ما أقولها إنك قولتي كده؟" وشها قلب ألوان. "يخرب بيتك وبيت شكلك! وأنا مالي؟ أوعى تجيب لها سيرتي. أنا ناقصة تقلب عليا!" استغليت الفرصة: لتكملة القصة اضغط على متابعة القراءة 👇 "بقولك هاتي عشرة آلاف عشان هي دماغها والسفر." "خد يا أخويا، بس قولها إن أنا اللي مدياك الفلوس، وإني بحبها، وأي حبشتكنات كده عشان متزعلش مني. وأول ما ترجعوا من السفر، هجيب لها الشيخ." ولما رجعنا من السفر، قعدت أنا وأمي مع شيخ من بلدنا كده. واحنا بناكل لقمة مع بعض، حكينا الموضوع. الشيخ قلع الطاقية وهرش في رأسه وقال: "لا، الأسماء تقيلة، مليش صرفه معاهم." "يا عم يهديك يرضيك!" قال: "طب هقعد معاها، أقول لها اللي أنتم قولتوه، وأشوف، يمكن أنتم ظالمينها. أصل الأسماء دي عشيرة بحالها." لتكملة القصة اضغط على متابعة القراءة 👇 "وأنت عرفت منين يا شيخ إنهم عشيرة؟" قال: "أصل أساميهم غريبة، وأول مرة أسمعهم." ندهت عليها بكل أدب الأزواج، مش خوف منها، لا، دا حب: "يا حبيبتي يا اللي ليا... بعد كل الكون ما باعني." دخلت وسلمت وقعدت. الشيخ بعد ما قرأ آية الكرسي بصوت واطي، يدوب أنا سمعته، قال لها: "يا بنتي، انتي تعرفي الكونتور؟" "آه يا عمو." "يا نهار اسود ومنيل!" "طيب يا بنتي بالله عليكي تركزي، تعرفي الكونسيلر؟" "آه يا عمو، الكونسيلر أعرفه، دول عندي جوا." أنا سمعت "دول عندي جوا" من هنا، وقمت أدور على شبشبي عشان أروح الجامع أشوف لو فيه أي صلاة فاتتني. لتكملة القصة اضغط على متابعة القراءة 👇 راح الشيخ ماسك إيدي وقايل لي: "تلاتة بالله العظيم ما أنت قايم." قعدت، ولله الأمر. الشيخ قال: "يا بنتي، دول بيستخدموكي من إمتى؟" قالت: "دا أنا اللي بستخدمهم، مش هما اللي بيستخدموني." الشيخ سمع إنها اللي بتستخدمهم، من هنا وقام يدور على شبشبه. تقريبا هيدور لو كان فيه أي صلاة فاتته برضو ولا حاجة. مسكته وقلت له: "تلاتة بالله العظيم ما أنت قايم." وأول ما قالت "وعندي قدهم أربع مرات هروح أجيبهم"، قمنا جري أنا وهو، نخبط في بعض. يدوب لحقنا ناخد حاجة نلبسها في رجلنا. لما طلعنا بره، لقيت الشيخ معاه هاف بوط. جيت أضحك معرفتش، لأني كان معايا جزمة أمي. لتكملة القصة اضغط على متابعة القراءة 👇 المهم، فضلنا برا بتاع ربع ساعة وأمي جوا لوحدها، ومستنيين أول صرخة لأمي. متفقين نكسر الباب عليهم ونقول في صوت واحد: "آية الكرسي!" ونحرقهم زي ما عزت العلايلي حرق عادل إمام في "الإنس والجن." المهم، عدت بتاع نص ساعة ومفيش نفس ليهم. الشيخ اتنهد كده وقال: "الحمد لله، تلاقي الاتنين ماتوا وخلصنا من شرهم." قلت له: "أنت بتقول إيه يا عم؟! استنى ندخل نشوف فيه إيه بالهاف بوط اللي أنت لابسه ده." المهم، دخلت من غير ما أعمل صوت والشيخ ورايا. لقيت أمي لتكملة القصة اضغط على متابعة القراءة 👇 ، بسم الله ما شاء الله، وشها صغر عشر سنين وبقت زي القمر. أنا فكرت إن دا جن من بتوع مراتي لبسها وخلاها شباب، بس اكتشفت الحقيقة لما أمي قربت مني بكل حنية الأمهات، ورحت رزعاني بالقلم وقالت لي: "هات العشرة آلاف اللي انت خدتهم تسافر بيهم، أنا عاوزة أجيب كل الأنواع: البرايمر والكونسيلر والكونتور، وكله كله!" "ياما انتي اتلبستي ياما!"قالت: لتكملة القصة اضغط على متابعة القراءة 👇 قالت: "دول أدوات مكياج يا جاهل، ما أنت طالع لأبوك، كان بيمسك قلم الكحل يصحح بيه للعيال في المدرسة."